Certifikimi IFS Food

Përshkrim i Shkurtër

IFS Food është një standard privat për certifikimin e sigurisë së ushqimit dhe cilësinë. Ai menaxhohet nga IFS Management GmbH dhe është zhvilluar nga Federata Gjermane e Shitjes me Pakicë (Handelverband Deutschland – HDE) dhe Federata Franceze e Shitjes me Pakicë (FCD), me pjesëmarrjen e federatave italiane (CONAD, COOP).

IFS Food mund të aplikohet nga kompani që përpunojnë ushqime ose kompani që paketojnë produkte të hapura ushqimore. Ai njihet nga Iniciativa Globale e Sigurisë Ushqimore (GFSI).

Përshkrimi i Detajuar

IFS Food është një standard i njohur ndërkombëtarisht i cilësisë dhe sigurisë së ushqimit. Qëllimet themelore të IFS Food dhe standardeve të tjera të IFS janë:

• Të vendosin një standard të përbashkët me një sistem uniform vlerësimi
• Të punojnë me Organe të akredituar Certifikimi dhe auditorë të miratuar për IFS
• Të sigurojnë krahasueshmëri dhe transparencë në të gjithë zinxhirin e furnizimit
• Të reduktojnë kostot dhe kohën si për furnitorët, ashtu edhe për shitësit me pakicë

Ai përfshin kërkesat për:

• Përgjegjësinë e menaxhimit të lartë
• Sistemin e menaxhimit të cilësisë dhe sigurisë ushqimore (sistemi HACCP i bazuar në Codex Alimentarius)
• Manaxhimin e burimeve
• Procesin e planifikimit dhe prodhimit
• Matjet, analizat, përmirësimet
• Mbrojtjen e ushqimit dhe auditimet e jashtme

Protokolli i auditimit numëron gjithashtu procedurat që duhet të mbahen nga kompanitë që auditohen.

Cila është procedura e certifikimit ?

Auditimi fillestar i IFS Logistics kryhet në një datë dhe orë të rënë dakord nga biznesi dhe organi certifikues. Gjatë këtij auditimi auditohet e gjithë kompania për sa i përket dokumentacionit dhe vetë procedurave të saj.

Certifikimi është i vlefshëm për një vit, dhe data e rinovimit të auditimit caktohet një vit nga data e kontrollit fillestar, dhe jo nga data e certifikimit.

Certification Regulation

Certification Application

Cila është fusha e aplikimit të standardit?

Certifikimi IFS Food është për kompanitë që prodhojnë, përpunojnë dhe/ose paketojnë ushqim ose përbërës që përdoren në prodhimin e ushqimit dhe aplikohet në të gjitha fazat e përpunimit të ushqimit pas prodhimit primar.

Cilat janë përfitimet e certifikimit ?

Certifikimi IFS Food mund të ofrojë një sërë përfitimesh kryesore për kompanitë që eksportojnë produktet e tyre, prodhojnë produkte me etiketë private ose furnizojnë supermarkete dhe mund t’i japë vlerë të shtuar një organizate, pasi ai:

• Siguron besueshmërinë e klientëve, konsumatorëve dhe palëve të tjera të interesuara në aftësinë e një organizate për të ofruar vazhdimisht ushqim të sigurt
• Siguron besueshmërinë e klientit që produkti i ofruar plotëson kërkesat e dakorduara reciprokisht si dhe dispozitat ligjore dhe rregullatore në fuqi për sigurinë ushqimore.
• Krijon një avantazh konkurrues për lidhjen e marrëveshjeve të reja të bashkëpunimit me zinxhirë të mëdhenj të shitjeve me pakicë.
• Redukton inspektimet e klientëve

Na kontaktoni

Na kontaktoni në numrin +355 4 45 00 523 ose nëpërmjet e-mail në info@tuv.al dhe personeli ynë do të jetë në dispozicionin tuaj për t’ju dhënë informacione të mëtejshme.