Certifikimi ISO 37001 – Sistemet e Menaxhimit Anti-Ryshfet

Përshkrim i Shkurtër

ISO 37001 synon të ndihmojë një organizatë në zbatimin e një sistemi efektiv të menaxhimit anti- ryshfet. Ai u ofron organizatave udhëzime për zbatimin e masave anti-ryshfet, në varësi të llojit dhe madhësisë së organizatës, dhe natyrës dhe shtrirjes së rrezikut të ryshfetit me të cilin përballet organizata.

Përshkrimi i Detajuar

Certifikimi dhe zbatimi i ISO 37001 nuk eliminon rrezikun e ryshfetit, por sigurisht që është një hap i madh në luftimin e tij.

Disa nga pikat kryesore ku standardi fokusohet janë:

• Aplikimi i verifikimit të duhur të personelit të organizatës, me qëllim respektimin e politikës anti-ryshfet dhe SMAR (Sistemin e Menaxhimit Anti-Ryshfet).
• Trajnimi i personelit në përputhje me politikën anti-ryshfet dhe SMAR.
• Aplikimi i sistemeve të duhura të sigurisë për reduktimin e rrezikut të ryshfetit.
• Zbatimi i masave të duhura për auditimin e prokurimeve, transaksioneve tregtare dhe transaksioneve të tjera jofinanciare për të reduktuar rrezikun e ryshfetit.
• Kontrollet e dhuratave, mikpritjes, donacioneve dhe përfitimeve të tjera, me qëllim shmangien e përdorimit të tyre për qëllime ryshfeti.

Sipas strukturës ANNEX SL, ISO 37001 mund të kombinohet gjatë zbatimit ose certifikimit me standarde të tjera që ndjekin të njëjtën strukturë, si ISO 14001, ISO 45001, ISO 9001, ISO 27001.

Cila është procedura e certifikimit ?

Certification Regulation

Certification Application

Kujt i Drejtohet ?

Standardi është i zbatueshëm për organizatat publike, private dhe vullnetare të vogla, të mesme dhe të mëdha.

Cilat janë përfitimet e certifikimit ?

Zbatimi dhe certifikimi ISO 37001 i shton vlerë një organizate përmes:

• Sigurimit të palëve të interesuara, menaxhimit, punonjësve dhe bashkëpunëtorëve të biznesit që organizata merr masa për parandalimin e ryshfetit.
• Shtimit të vlerës në reputacionin e një organizate
• Sigurimit të dokumentacionit brenda një organizate në rast hetimi të një rasti ryshfeti.
• Ekzistencës së një sistemi ISO 37001 të certifikuar në mënyrë të pavarur që i dëshmon një prokurori publik ose gjykatës se organizata ka ndërmarrë hapa dhe ka zbatuar procedurat e duhura për parandalimin e ryshfetit.

Na kontaktoni

Na kontaktoni në numrin +355 4 45 00 523 ose nëpërmjet e-mail në info@tuv.al dhe personeli ynë do të jetë në dispozicionin tuaj për t’ju dhënë informacione të mëtejshme.