Certifikimi ISO 37301 – Sistemet e Menaxhimit për Pajtueshmërinë

Përshkrim i shkurtër

ISO 37301 synon të ndihmojë një organizatë të zbatojë një sistem efektiv të menaxhimit për pajtueshmërinë. Ai u ofron organizatave udhëzime për zbatimin e masave të pajtueshmërisë, në varësi të llojit dhe madhësisë së organizatës, si dhe natyrës dhe shtrirjes së kërkesave legjislative dhe rregullatore që zbatohen për to.

Përshkrimi i detajuar

Certifikimi dhe zbatimi i ISO 37301 nuk eliminon rrezikun e mospërputhjes me ndonjë kërkesë ligjore, por sigurisht që është një hap i madh në sigurimin e pajtueshmërisë së organizatës.

Disa nga pikat kryesore ku standardi fokusohet janë:

Zbatimi i kontrolleve të duhura, për të përmbushur kërkesat ligjore.
Trajnimi i personelit në përputhje me politikën e pajtueshmërisë dhe SMP.
Aplikimi i sistemeve të duhura të sigurisë për të reduktuar rrezikun e mospërputhjes.
Zbatimi i masave të duhura si dhe masave investiguese për të parandaluar dhe korrigjuar çdo devijim/ngjarje.

Sipas strukturës ANNEX SL, ISO 37301 mund të kombinohet gjatë aplikimit ose certifikimit me standarde të tjera që ndjekin të njëjtën strukturë, si ISO 37001, ISO 45001, ISO 9001, ISO 27001.

Cila është procedura e certifikimit ?

Certification Regulation

Certification Application

Kujt i Drejtohet ?

Standardi është i zbatueshëm për organizatat publike, private dhe vullnetare të vogla, të mesme dhe të mëdha.

Cilat janë përfitimet e certifikimit ?

Aplikimi dhe certifikimi ISO 37301 i shtojnë vlerë një organizate përmes:

Parandalimit ose zbulimit të hershëm të shkeljeve të rregullave, duke ulur rrezikun e gjobave, penaliteteve, mbylljes së punës, padive dhe dëmtimit të reputacionit.
Menaxhimit më efikas të pajtueshmërisë.
Një kuptim më i mirë i brendshëm i kontekstit të organizatës, operacioneve të biznesit, detyrimeve dhe rreziqeve të pajtueshmërisë, duke çuar në një menaxhim më të mirë të rrezikut.
Rritjes së besimit në organizatë, e cila lehtëson tregtinë, investimet, rekrutimin dhe mbajtjen e stafit.

Na kontaktoni

Na kontaktoni në numrin +355 4 45 00 523 ose nëpërmjet e-mail në info@tuv.al dhe personeli ynë do të jetë në dispozicionin tuaj për t’ju dhënë informacione të mëtejshme.