Skema Private e Certifikimit “Covid-Shield”
Skema Private e Certifikimit “CoVid Shield” është zhvilluar nga TÜV AUSTRIA duke u fokusuar në shëndetin, sigurinë dhe vazhdimësinë e biznesit. Është një skemë gjithëpërfshirëse certifikimi e cila synon rritjen e besimit të qytetarëve dhe konsumatorëve në bizneset që aplikojnë dhe janë të certifikuara me Skemën e Certifikimit CoVid Shield TÜV AUSTRIA.
Përshkrim i Shkurtër
Skema përcakton kërkesat dhe procedurat themelore të cilat duhet të zbatohen nga një organizatë për të marrë certifikatën “CoVid Shield”. Ata verifikojnë gjithashtu se një mekanizëm i përshtatshëm, burime të mjaftueshme si dhe infrastruktura e përshtatshme, janë gjithmonë në përputhje me të dhënat dhe udhëzimet aktuale epidemiologjike, për parandalimin e hyrjes apo përhapjes së sëmundjes koronavirus, në ambientet e Organizatës.
Përshkrim i Detajuar
Skema Private e Certifikimit “CoVid Shield” vlen për të gjitha bizneset të cilat për shkak të aktiviteteve të tyre mbështesin ndërveprimin, mikpritjen dhe në përgjithësi kanë vende grumbullimi publik dhe konfirmon:
- Zbatimin e masave të nevojshme, zbatimin e procedurave dhe praktikave të duhura nga autoritetet përkatëse dhe komuniteti shkencor për të shmangur transmetimin e virusit.
- Sigurimin e mjeteve dhe lehtësive të nevojshme për zbatimin e procedurave dhe praktikave.
- Se bizneset kanë staf të trajnuar i cili trajnohet vazhdimisht me programe arsimore për t’iu përmbajtur procedurave të rekomanduara të publikuara dhe udhëzimeve të reja siç përditësohen nga Organizatat Kombëtare të Shëndetësisë dhe autoritetet e tjera ndërkombëtare (p.sh. OBSH).
- Informimin dhe udhëzimin e duhur të të gjithë atyre që hyjnë ose akomodohen në ambientet e biznesit, për të shmangur transmetimin e virusit.
Ai lidh përgjegjësinë, ndërgjegjësimin dhe ndjeshmërinë sociale, si dhe etikën e biznesit që rregullohet nga një Organizatë me veprime dhe qëllime parandaluese për:
- reduktimin e rrezikut ose minimizimin e mundësisë së përhapjes për shkak të koronavirusit (COVID-19)
- Mbështetjen e nivelit të lartë të parandalimit kundër ekspozimit të mundshëm (të pavullnetshëm ose të vullnetshëm) ndaj koronavirusit (COVID-19)
- Menaxhimin e incidenteve të mundshme të koronavirusit (COVID-19) në mënyrë të organizuar, të menjëhershme dhe të blinduar, bazuar në procedurat e rekomanduara të publikuara të autoriteteve përkatëse kombëtare (p.sh. ministria e shëndetësisë) dhe ndërkombëtare (p.sh. OBSH) dhe organeve bashkëpërgjegjëse
Skema e Certifikimit ofron tre nivele të ndryshme të certifikimit “CoVid Shield” (Principal, High ose Excellent) bazuar në kombinimin e çdo Auditimi të Mbikëqyrjes në mes të Ciklit të Certifikimit dhe kohës përpara zbatimit të njoftimit nga ana e tyre.
Procedura e Certifikimit
- Dorëzimi i dokumenteve të plota të certifikimit në TÜV AUSTRIA brenda afatit kohor për lëshim.
- Pranimi i termave dhe kushteve financiare të bashkëpunimit (kontrata dhe Rregullorja e Certifikimit)
- Përgatitja e Organizatës në lidhje me zhvillimin dhe zbatimin e një mekanizmi të qasjes sistematike për t’u kualifikuar me kërkesat e Skemës.
- Planifikimi dhe kryerja e një inspektimi
- Certifikimi i Organizatës pas përfundimit me sukses të një inspektimi me tre Nivele Certifikimi në varësi të kohës dhe metodologjisë së zbatimit të auditimeve të mbikëqyrjes.
- Pas përfundimit të certifikimit, monitorimi i Organizatës do të vazhdojë të zbatohet në varësi të nivelit të certifikimit.
Kujt i Drejtohet ?
Skema Private e Certifikimit “CoVid Shield” është e përshtatshme për të gjitha bizneset që për shkak të aktiviteteve të tyre mbështesin ndërveprimin, mikpritjen dhe kanë vende grumbullimi publik. Në mënyrë indikative, është i përshtatshëm për bizneset që ofrojnë mikpritje (hotele, akomodim), katering, prodhim, përpunim dhe/ose njësi shpërndarjeje ushqimore, kompani transporti dhe zinxhiri furnizimi, tregti me pakicë (supermarkete, dyqane, qendra tregtare), qendra sportive, shërbime publike, qendra arsimore, shkolla, kompanitë e menaxhimit të objekteve, etj.
Përfitimet e Skemës së Certifikimit
Skema e certifikimit dhe logoja “Covid Shield”, kontribuojnë në një Organizatë për të:
- Provuar, nëpërmjet përdorimit të logos specifike të certifikimit, angazhimin e saj për të operuar dhe ofruar produkte dhe shërbime të mbrojtura nga ekspozimi i tyre ndaj kërcënimeve të koronavirusit (COVID-19).
- Përforcuar strategjinë e saj për të zhvilluar një sërë veprimesh për të rritur ndërgjegjësimin e punonjësve, partnerëve të biznesit, klientëve dhe vizitorëve të saj, rreth metodave dhe burimeve të disponueshme për të ruajtur një mjedis të mbrojtur
- Kontribuar në mënyrë aktive në ngritjen e besimit të klientëve, vizitorëve dhe të gjithë palëve të përfshira dhe të interesuara.
Mbrojtja e Shëndetit dhe Vazhdimësia e Biznesit, do të thotë Civilizim!
Na kontaktoni
Na kontaktoni në numrin +355 4 45 00 523 ose nëpërmjet e-mail në info@tuv.al dhe personeli ynë do të jetë në dispozicionin tuaj për t’ju dhënë informacione të mëtejshme.
Certification Application