June 19, 2026
TÜV AUSTRIA, organizata lider në fushën e certifikimit dhe inspektimit ne Shqipëri, përfundoi me sukses procesin e ricertifikimit të ProCredit Bank Shqipëri në përputhje me kërkesat e standardit ndërkombëtar ISO 14001:2015 për Sistemin e Menaxhimit Mjedisor.
ProCredit Bank, është një institucion financiar i orientuar drejt zhvillimit, i fokusuar në mbështetjen e ndërmarrjeve mikro, të vogla dhe të mesme, si dhe të klientëve individë. Përmes një qasjeje të përgjegjshme dhe afatgjatë, banka kontribuon në zhvillimin ekonomik të qëndrueshëm dhe në ndërtimin e marrëdhënieve të forta me klientët dhe partnerët e saj.
Standardi ISO 14001:2015 ndihmon organizatat të identifikojnë dhe të menaxhojnë ndikimet mjedisore të aktiviteteve të tyre, të përmirësojnë performancën mjedisore dhe të promovojnë zhvillimin e qëndrueshëm.
Me përvojën dhe ekspertizën e saj shumëvjeçare, TÜV AUSTRIA vazhdon të ofrojë shërbime të pavarura certifikimi për organizatat në Shqipëri dhe Kosovë, duke mbështetur përputhshmërinë me standardet ndërkombëtare dhe kulturën e zhvillimit të qëndrueshëm.
Urime ProCredit Bank Shqipëri për këtë arritje të rëndësishme, e cila dëshmon angazhimin e vazhdueshëm të institucionit ndaj mbrojtjes së mjedisit dhe përmirësimit të vazhdueshëm.
